كل شي ما يتعلق بل كالف ديوتي 4

شلونكم شباب ؟؟
هاليوم جبتلكم اضخم موضوع خاص و حصري عن Call Of Duty 4 Multiplayer يحتوي هذا الموضوع عن كافة التحديثات للعبة و ملفات لفتح ليفل 55 لفتح جميع الاسلحة و خرائط جديدة و الأهم و الاحلى
ملف يخليك تلعب اللعبة Multiplayer بحدك ضد الحاسبة عن طريق البوتات مثل لعبة كاونتر سترايك !! شنو رأيكم ؟؟

و يحتوي هذا الموضوع أيضا على أسرار اللعبة يعني شلون تسوي سيرفر تشتغل بيه الجيتات و الكلمات السرية ! ديلا نبدي ..

*أغلب الملفات اللي رفعتها عالشير بعدهم (Files Not Approved Yet) صارلي يوم كامل مخلص الموضوع و اتضرهم عالساس مدري شنو بيهم فحملتهم على موقع (4shared) و من تكمل بالشير اخليهة بالموضوع

---------------
: أولا :
-----------

اذا مموجودة اللعبة عندك .. حمل اللعبة Call of Duty - Modern Warfare 1.0 العبة العادية من الشير او أختصر الطريق منا :

Part 1
Part 2
Part 3
Part 4


--------------------------------------------------------


: ثانيا :
-----------------

تحديث للعبة حتة تصير من نوع 1.7 اتبع الأتي (فقط للأصدارات القديمة من اللعبة بأصداار 1.0) :

1- باتش تحديث اللعبة من 1.0 الى 1.6 و حجمة (282 MB) :

يحتوي هذا الباتش علة تحديث للعبة مع أضافة مراحل جديدة مثل Killhouse و Winter Crash و غيرها من المراحل و تصحيح العديد من أخطاء اللعبة

حاولت ارفعة عالشير بس الخط ضعيف يمي هذا تحميل مباشر بس مو من الشير

التحميل من هنا

من تخلص تحميل نصب الباتش بشكل عادي الباتش تلقائيا راح يعرف مكان تنصيب اللعبة و يحدثها ..

وراها لازم تنزل الباتش الثاني و تنصبة..


2- باتش تحديث اللعبة من 1.6 الى 1.7 و حجمة (38 MB) :

أخر تحديث للعبة و اللي يخليك تكدر تطب علة سيرفرات الأيرثلنك للعبة من نوع 1.7

التحميل من هنا

من تخلص تحميل نصب الباتش بشكل عادي الباتش تلقائيا راح يعرف مكان تنصيب اللعبة و يحدثها ..

*بس تبقة شغلة من تحدث اللعبة و تصير 1.7 اللعبة بوضع Single Player مراح يشتغل يكلك يريد السي دي كي حمل هذا الكراك

من هنا

و من يخلص التحميل انقل هذا الملف لفايل اللعبة المحدثة و استبدلة بالقديم
----------------------------------------------------

: ثالثا :
-------------

هسة نجي لفتح جميع الاسلحة مالت اللعبة بوضع Multiplayer اكو طريقتين جرب الاولى لانها اسهل طريقة اذا ما صارت جرب الثانية الأكيدة :

1- حمل ملف mpdata حجمة (9 KB) :

من هنا

من تسويلك بروفايل جديد داخل اللعبة أو عندك بروفايل قديم تريد تسويه لفل 55 انقل mpdata الى مسار اللعبة مثلا

C:\....\Activision\Call of Duty 4\players\profiles\(YOUR NAME)

و من تطب علة بروفالك انقل الملف و استبدل هنا و طب عاللعبة راح تلكة كلشي نيووو و مفتوح



2- البرنامج Easy Account v1.3 حجمة (13 KB) :

من هنا

من تخلص تحميل فك الضغط بأي مكان و شغل البرنامج وعوفة هسة روح عاللعبة اكو بين فايلاتها فايل اسمة pb غير اسمة الى pb2 و طب عاللعبة اول ما تطب راح يكلك برنامج PunkBuster متوقف
دوس Exit وراها طب علة Rank & Challenges و دوس Alt+Tap و أرجع عالبرنامج حدد نوع اللعبة مالتك من ال 1.0 الى 1.7 (اذا تريد تتأكد طب عاللعبة وشوف بالركن ليجوة نوع الفيرجن مال لعبة)
حدد الفيرجن مالت لعبتك بالبرنامج و راها دوس Easy Upgrade راح تطلعلك رساله دوس اوكي و طب عاللعبة راح تشوف كلشي مفتوح ..

اكعد سويلك كلاس و اسلحة قبل لا تطلع و من تخلص اطلع من اللعبة و البرنامج و روح ارجع علة الفايل pb2 و رجعة الى pb و استمتع باللعب ...

-------------------------------------------------------------

: رابعا :
------------

هسة وصلنا للبوت مود اللي يخليك تكدر تلعب ملتيبلاير ببحدك وياك بوتات الحاسبة تتحكم بيهم و تشوفهم يلعبون و يركضون و حتة قاذفات و يجيبون طيارات و تكدر تلعب وياهم كل انواع الالعاب
Teamdeathmatch و Headquarters و غيرها و يلعبون بشكل حلو مو كللش قوي و انت تتحكم بعددهم ..

أول شي حمل هذا الملف (تقريبا 9 MB) :

من هنا

فك الملف علة سطح المكتب راح يطلعلك فايل اسمة PeZBOT انقل هذا الملف هوة و اللي بداخلة الى ملفات اللعبة اكو فايل اسمة mods انقل فايل PeZBOT لداخل هذا الفايل وراها طب
علة اللعبة

هسة طب علة ’Mods من داخل اللعبة و اختار PeZBOT و دوس Launch و انتظر راح تصير لون اللعبة علة شوي زراك مووو ؟


هسة سويلك سيرفر جديد اختار المرحلة و الوقت و النقاط بس الAllow KillCam غيرها سويها Disable احسنلك ..

من تطب عالمرحلة الجديدة دوس (ذ) راح ينفتح الConsole و اكتب svr_pezbots و راها مسافة و اكتب عدد البوتات اللي تريدها وراها انتر و راها دوس (ذ) مرة ثانية ..

مثلا اذا تريد تلعب 6 ضد 6 يعني 5 وياك و 6 ضدك اكتب svr_pezbots 11 و اذا 2 وياك 3 ضدك اكتب svr_pezbots 5 و هكذا ..


: ملاحظات مهمة :

1- اول شي بالنسخة 1.0 ماكو اسلحة تبدي تلعب من اليفل 1 و ماتكدر تزيد نقاطك بس بالنسخة 1.7 بلعكس يعني تبدي من ليفل 1 بس تكدر تجمع نقاط ...

2- تكدر تستخدم برنامج Easy Account v1.3 لفتح كل الاسلحة بالبوت مود بنسخة 1.7 و يمكن حتة 1.0 بس ممجرب (شغل البرنامج و غير pb الى pb2 و طب عاللعبة دوس علة mods و اختار
pezbots وراها Alt+Tap اختار الفيرجن وراها easy upgrade ارجع سوي كلاس اطلع رجع pb2 الى pb )

3- كلما يصير عدد البوتات هواي تبدي اللعبة تكطع اكثر فعلة كيفك ...

4- و اللي يريد مراحل جديدة مثل Shipment2 و Jor1 يكللي حتة اخليها بالشير

5- ماكو vote لأن محد يدوس F1 ههههههه

6- العب و اشكرني

---------------------------------------------------------

: خامسا :
----------------

عمل سيرفر تشتغل بيه الجيتات و اي واحد يكدر يطب وياك من أصدقائك الي رابطين وياك نتوورك و تطبب جيتات مثل الكاد GOD اللي ميخليك تموت و طلقك ميخلص وغيرها من الملاعيب !!
وتكدر هم تسوي هذا السيرفر اذا تريد تلعب وية البوتات و تخلي روحك ما تموت او تاخذ اي سلاح و الطلق ميخلص !!

أول شي سويلك سيرفر عادي و اضبط شغلاتك مثل الوقت و النقاط و غيرها .. من تطب عالسيرفر دوس (ذ) و أكتب devmap mp_shipment أو اي مرحلة تريد devmap mp_backlot أو غيرها
وراها دوس Tap وراها Enter
راح يحولك علة سيرفر تشتغل بيه الجيتات..
هسة دوس ال(ذ) راح يفتح الكونسول اكتب اي واحد تريد من الجيتات و من تكتب اي جيت دوس Tap وراها Enter و هاي قائمة بالجيتات اللي أعرفها و عملها :


god : never die
demigod : never die
player_sustainammo 1 : Ultimate Ammo
jump_hight 1000 : Make u Fly
player_sprintscale 5 : Make u more fast
give ammo : give u ammo
give (Weapon Name)_mp : give u that weapon

>>> EX : give m40a3_mp \ will give u the green sniper ..

وراها تدوس Tap وراها Enter

و اذا تريد تسوي هاي الفيكات بالpezbots اول شي تسوي المرحلة و تكتب الdevmap .... يعني من تسوي مرحلة تشتغل بيها الجيتات و تخلص يلا تطبب بوتات من الsvr ... حتة لا تعلك البوتات
و بعدين طبب الجيتات ...

* demigod تخليك ما تموت بس تتأثر بالطلق عكس god الي تخليك متتأثر بأي شي
*جرب تسوي الفيكة الثالثة اللي تخليك حتة ما تبدل مخزن ارمي و كبل و اخذ فاز جرب و انطيني تعليقك !!!!

-----------------------------------------------------------

هاي تقريبا كل شي عن Call Of Duty 4 أكثر شي تعبني رفع الملفات لان كلسع ينكطع الخط كل 5 دقايق و اعيد الأبلود من البداية ..

عالعموم اريد اشوف تعليقاتكم اذا ماكو تعليقات بعد مأسوي مواضيع و مأطب عالشير و الحاسبة كلها اطفيها و اذبها !!!

و أي واحد عندة أي سؤال او استفسار او اضافة أو أي مشكلة يكتبلي تعليق و انه موجود انشالله وياكم

: سادسا :

----------------------


اللعب أون لاين !!!









هذا موقع خرافي بيه 208 سيرفر من السيرفرات البرايفت العالمية خارج نطاق الكي كود و باقي السوالف التعبانة ..

بيه اسامي السييرفرات و المراحل اللي جاي يلعبوها تعال و طب علة راحتك اختار اي سيرفر يعجبك !!




( Private-Servers )


و هاي صورة الموقع

موضوعك رهييييييب وعاشت ايدك على جهودك الجباره المبذوله مبين تعبك بيه الله يطيك الصحه و العافيه وتستاهل التقييم بس ردت منك مساعده اذا امكن اذا شفت ردك حته اسالك