دارمي عراقي

تذكر الك صدقان لو بالك اندار***كلبك لحم ياخوي لو كومت حجار




فنه الكلب ينساك اي والله فنه *** من صدري اشحته بليل واتبره منه



فكرت مرة انساك تدري شحصلي*** من الكلب للشريان دم ماوصلي




متعذبة روحي عليك بس حزني سكتة*** معقولة ماحسيت واحشني انتة



هم شفت واحد راح بروحة جناز*** هيج انه حالي يصير بفراك العزاز



مو بيدي حتى انسـاك ولا هي بيدك *** بيد الگلب والله هوه اليريدك



هاك القلب تذكار علكه اعله صدرك***ومن تنسه عهدي وياك هو اليذكرك




صح انته عني بعــيد وصح أني مو يمك*** والله ماناسيك مثل الهوى اشتمــك




كون أنكلب عصفور وأدخل غرفتك***وأختل وره الكنتور وأسمع ضحكتك




تدري انت شنهو الصار لمن عفتني *** كل أهلي موجودين بس يتمتــني




كالولي عوفة اسبوع خل نستفزة***كلت الدقيقة اهواي يا ناس اعزة




بذات دومه الوكت حارمني منكم***بس الكلب ملهوف دومه بذكركم




للموت اظل وياك بسم الله حالف *** وصدكني بس وياك تحلى السوالف




عايش تظل للدوم بعيوني دمعه***حبك سكن بالروح حوسمله قطعه



متعجب بدنياك دمعك سمج بيه *** شو دمعي فاض شطوط وحوت الغرك بيه




خليني فدوة وياك للموت اريدك *** صدكني روحي تروح من الزم ايدك
*************************************
اجرحني انته وشوف عاين عليه *** ما يمشي دم بحشاي تمشي انت بيه






انشاء الله عجبتكم

تحياتي ...