عاشقه المحمود

هذا إلجن يالحديثات
*****
تعال وشوف أطباع البنيه
اللبس برلون والشامه اصطناعيه
*****
تعال وشوف بالوتنه التذب افتوك
بأوربا عبالك من تطب للسوك
يانسوان هذا اللبس عيب ايلوك
بالملبوس وحدتجن فرنسيه
*****
بنات هذا الوكت باللبس متمدنات
لبس كعب علي وذبن الفوطات
أخاف أحجي ويكولون الحجي سختات
لا ... أحجي وأقصد أسطور شعريه
*****

خيطت جرحي بأمل تاليها الخيط انفتك
ابدنياي ماحصلت بس الالم والـــــتعب

اصبرت حيل وكلت باجر خير الصبر
تاليها طاح الصبر ثاريه كلش صعب

يا دنيا بسج الم ولبابي لـــــــــــــتكربين
تعبني والله الحزن بالذات من الاحـــــب

ليش العداوة اوياي وليش آنه الـــــــقصد
موغيري مابيه صـــدك يمتلك بس الجذب

عايش حياته بلهو ويم بابه متروحيــــــــن
ازرعت كومة فرح بشفاه غيري وعجــب

مليان آنه القهر وبغيري كل همــــــــــي
رايد آنه الصدك يا دنيا وين السبـــــــــب

آنه الغلط لو منو لو همه كل الغلـــــــــــط
لو انتي كل البله بيج النار ويه الحطــــب

كلام جميل يسلمو مشاركه مميزة