اهلا وسهلا بكم في عشاق الافلام نتمنا لكم اسعد الاوقات 
من طرف نلوب عليه كالو ماروينه
عذب وبظيم شفته ماروينه
شاع الخبر واحنه ماروينه
اثاري الناس حست بالشجيه
--------------------------------------------
اجيت اشكيلكم ياعمامة ---يا ابوه
خطف مني دليلي وصحت---يابوه
الظلم من شيمة الطيبين---يابوه
طحت بركابكم ردوه اليه
-------
قسم بعيون زهوره والايلاف
الهويته خاصم الدنيه والي لاف
رقيته اباية الكرسي والايلاف
تحرسة من الحسد واهل الاذيه
================
----انوح وحته ميتهم--- وعالي
شكيت اضماي للباري وعالي
اعطشت سويهن اجفوفك-وعالي
من جفك عسل طعم الميه
----
وهذه لسان حال العقيلة زينب عليها السلام
النبي جدنه اوخوارج انسبونه
عكبكم لو ولونه وانسبونه
واذا داسوا جثثكم وانسبونه
حرم منهو اليرد عنه الاذيه
====================
عقوق الزمن قسة اكلوب والدان
جمع بين الحظيظ اوترف ولدان
يقبل بالرماد ابشغف والدان
حفرلة اوطمة باعماق الوطيه
=================================
أيست بس احنه منك مانصبنه
اوتظن بسهام شوكك مانصبنه
لون مانهوه طيفك مانصبنه
مضايف عالرمش صبح اومسيه
==========================
فرض قبلة غرامة او جاز مني
ارحمت بشفافة لهفة جاز مني
كفر ظيمة ابدليلي جازم اني
اطلبتلة المغفرة رغم الاذيه
=======================
وهاتين للامام علي عليه السلام
امامي الكون يشهدلة -والايه
ابغدير الرحمة نزلتله -ولايه
انتمتلة اشرف واقدس ولايه
نجف حيدر علي سيد البريه
----------------------------
هله بالتوجة الباري ومرحب
مبعوث بأمر طاعة وامرحب
بسيفة طهر الكعبة ومرحب
تبعثر من ضربته عالوطيه
=======================
وهاتان كتبتهما لصديقاتي الشاعرات وفاء سلطان و-وفاء الخفاجي
بغت دنياي واعتذرت وفاءت
حبيبي الغيبه الواشي وفىأت
نصفني الزمن واهداني وفاءات
بنت اجنوبنه والخفاجيه
========================
ابترف همس الفراشة حاوريته
يضمني ابحضن جفه حاوي ريته
اصيحن من غرامة احا وريته
ابلهفتي من يمر اسمه عليه
======================
اعشكت كل شبر ببلادي وكوفاه
ياهل همك شجن حالي وك اوف اه
اكو شر عين ترقبني وكوفاه
مناه ايشكك السترة العليه
=============================
وهذه ابو ذية صحن حيدر
مشتاكه الصحن حيدر وداري
اضم بالعين دمعاتي وداري
بهمي ربي العالم وداري
فاركت النجف غصبن عليه
=====================
=ابسحر فتوة اشفافة هايم اني
اويريد ارجع الوعيي هاي اماني
نهرني اوصاح بيه هايماني
خطة ابفتواه اوذب الصوج بيه
--------------------
كلتله لو سليته اشلون شراي
يكلي اتقي اجنوني اونار شراي
هديته الروح حين الكال شراي
اخذ روحي اويهدد بالمنيه
========================
حالي للمحب والعدو ميسر
زماني امعسر اوهيهات ميسر
جلدني ابتهمة الخمرة وميسر
الثمل براه اوقام الحد عليه
======
» Bajrangi Bhaijaan (2015)
» 3Idiots (2009)
» ربح رصيد بايبال - زين كاش - بايير - بتكوين - فودافون كاش - USDT
» مشاهدة فلم Smile (2022)
» مشاهدة فلم Detective Knight Rogue (2022)
» مشاهدة فلم The Woman King (2022)
» مشاهدة فلم The Lair (2022)
» مشاهدة فلم Nix (2022)